Beitragslink

Gott isch miin Hirt

Foto: Gott isch miin Hirt

Mundart isch mini Sprach, won ich mich diheime fühl. Drum übersetzi gern Bibeltext uf Mundart. Frei übersetzt de Psalm 23 für oi:

 

Gott isch miin Hirt
mir fehlts a nüt
er lat mich weide uf grüene Wisene
zum ruhige Wasser,
führt er mich
nois Lebe git er mir

er leitet mich
ufem Weg vo de Gerechtigkeit
weg sim Name

Sogar denn
wenn ich im finstere Tal wandere
han ich kei Angscht vorem Schicksal
denn DU bisch bi mir
diin Stecke
diin Stab
sie tröschted mich

DU bisch de
wo mir de Tisch deckt
vor miine Finde
DU bisch de
wo min Chopf mit Öl salbt
als wär ich en König
und min Becher, de isch meh als voll
Nachsicht, Fürsorg und Liebi
folged mir jede Tag
won ich lebe
und ich wird zrugg gah is Huus
vo Gott mis Lebe lang
Amen.

Diesen Beitrag finde ich...
  • spannend (0)
  • berührend (17)
  • lustig (10)
  • nachdenklich (1)
  • wichtig (0)
  • fragwürdig (2)
  • langweilig (3)

Schreibe einen Kommentar

Bitte füllen Sie sämtliche mit * markierten Pflichtfelder aus.